Ոսկու գրավով ապահովված վարկեր

Մանրամասները՝

abcfinance.am և acra.am

Վարկային սքոր գնահատականի էությունը,կարևորությունը, տեսակները

Վարկային սքոր գնահատականը հաճախորդի վարկային պատմության վերլուծության, վիճակագրական վերլուծության արդյունքում հաշվարկված վարկային ռիսկի(վարկարժանության) թվային գնահատականն է:

Վարկային սքոր գնահատականի վրա ազդող գործոններն են՝ հաճախորդի վարկային պատմությունը, գործող վարկերի քանակը, գումարը, տեսակը, տրամադրված երաշխավորությունների քանակը, գումարը, պարտավորությունների պարտաճանաչ իրականացումը, նոր վարկային հայտ ներկայացնելու հաճախականությունը:

 Եթե չեք ունեցել վարկ,ապա չեք կարող ունենալ սքոր գնահատական:

Վարկային պատմության  հարցումը կարող է ազդել վարկային սոքր գնահատականի վրա (կարող է իջեցնել գնահատականը), որն էլ կարող է խոչընդոտել վարկի հաստատմանը:

Յուրաքանչյուր անգամ  «ԱՔՌԱ Քրեդիտ Ռեփորթինգ» ՓԲԸ-ից հարցում կատարելու դեպքում՝ կախված հարցման տեսակից, այն կարող է բացասական ազդեցություն ունենալ Ձեր վարկային ամփոփ գնահատականի վրա , մանրամասները ստորև՝

Վարկային պատմությունը և սքոր գնահատականը կարևոր է վարկի ստացման համար, քանի որ բանկը և վարկային կազմակերպությունները վարկային պատմության և սքորի հիման վրա գնահատում է հաճախորդի վարկունակությունը և վարկարժանությունը:

«ՕԿ Կրեդիտ » ՈՒՎԿ ՍՊԸ-ն հաճախորդի վարկարժանությունը գնահատելու համար կիրառում է ՖԱՅԿՈ Սքոր և սեփական սքորինգային համակարգերը:

Ինչպես բարելավել վարկային պատմությունը և սքոր գնահատականը

Վարկային պատմության և սքոր գնահատականը բարելավվելու համար անհրաժեշտ է մարել գործող ժամկետանց պարտավորությունները, մարումները կատարել պարտաճանաչ սահմանաված գրաֆիկի համապատասխան, մարել գործող վարկերը մասամբ կամ ամբողջությամբ՝ թեթևացնելով վարկային բեռը, նվազեցնել տրված երաշխավորությունների քանակը, գումարը, ինչպես նաև առկայության դեպքում ապահովել այս մասով ժամկետանց պարտավորությունների մարումը: Ընթացիկ վարկերի գծով պարտավորությունների կատարման նույնիսկ մեկօրյա ուշացումները բացառել: Հաճախակի չդիմել  նոր վարկերի ստացման համար։

Անվստահելի անձանց համար չդառնալ երաշխավոր: Ճիշտ կառավարել Ձեր վարկային բեռը, այն համադրել ընթացիկ եկամուտների հետ:

Մանրամասները՝

abcfinance.am և acra.am

Սխալ կամ թերի վարկային պատմության շտկում

Եթե Վարկառուի վարկային պատմության մեջ առկա են սխալ կամ թերի տվյալներ, ապա պարզաբանման և ուղղման նպատակով վարկառուն՝ համաձայն «Վարկային տեղեկատվության շրջանառության և վարկային բյուրոների գործունեության մասին» ՀՀ օրենքի 20-րդ հոդվածի դրույթների, կարող է այդ մասին տեղեկացնել վարկային բյուրոյին կամ ուղղակիորեն դիմել տեղեկատվություն տրամադրող սուբյեկտներին (վարկային տեղեկատվության աղբյուրին): Տեղեկացումը կարող է իրականացվել  համապատասխան գրավոր դիմումով՝  վարկային բյուրոյին ներկայացնելու միջոցով  կամ էլեկտրոնային եղանակով ՝ առցանց ռեժիմում ԻՄ ԱՔՌԱ անձնական  գրասենյակից: ԱՔՌԱ-ի կողմից տրամադրված վարկային զեկույցների վերաբերյալ  հաճախորդների բողոքների ընդունման/ստացման, քննարկման  և վերջիններիս արձագանքման գործընթացը, գործողությունների հաջորդականությունը  սահմանվում է «ԱՔՌԱ Քրեդիտ Ռեփորթինգ» ՓԲԸ-ի «Վեճերի լուծման ընթացակարգ»-ով:

Մանրամասները՝

abcfinance.am և acra.am